完仕前伝 - 事務所裏的餘白

最近看了個性俳優松重豐主演的<<孤獨的美食家>>，被劇中的人物餘白(多餘的沒說出來的心中對白)感動了，想了又想，發覺自己原來在每天的工作中都有屬於自己的餘白，而且是多不勝數，比如說自己心底裡的發勞騷一定不少，無他，誰叫你這麼窮，要打工不做老闆。埋藏在自己心底裏的餘白可謂句句精彩，句句都是對聯。

 (っ°_°)っ [以下代表我的心裏餘白]           (p:>_<:) (以下代表別的同事的說話對白)

我算是事務所裏的腦袋，經常要為公司度橋，我個人亦嗜好胡亂猜測及思考，每件事都想一個好的方面及一個壞的方面，繁事兩睇的呢?

每天早上到達公司我都跟各同事請安的， (っ°_°)っ (早晨呀!!)，(p:>_<:) (早晨呀，岐魂!!)。
心裡的餘白是(っ°_°)っ [又係你條 Old Seafood，朝朝都比你邪住哂，車!]

每天早上的第一件私事當然是去茶水間取水，但未入到去都總會有人叫(p:>_<:) (無水啦)，餘白再次作崇 (っ°_°)っ [我係男仔，換水即係我嚟啦，當做JIM啦，第時無工做可以去做吓水哥。] 通常我都對取頭水的同事很好，抹好水樽頭才換水的。

同事們都到達事務所了，有些同事的早餐包包等要12點都未食，(っ°_°)っ [慘囉，Lunch Time食早餐，咁Dinner咪食返個Lunch，同事A你真勤力，我係老闆一定加你人工。]

當我入了局在做某件工作很專注的時候，總有Old Seafood來我個位挑機了， (p:>_<:) (岐魂，呢壇野Ugent呀，做左佢先!) (っ°_°)っ (哦!) 心裏最多餘白的時候莫過於此時此刻 (っ°_°)っ [妖! 日日都係呢d時間挑我機，咩都話Ugent，到時做好了唔好話要改或是追加呀，我會拍枱的。日後我有Ugent野過比你唔好托我手掙呀。]

在工作進行中，往往又會見到其他同事搞吓個手機，上下FB，那些同事用他的眼神來答我 (p:>_<:) [我答緊個客野。] 所以說，現今玩手機可以用客人來過橋的，(っ°_°)っ [那我又找點私事來做一吓，可我正在做Ugent野，等一會吧。]

到了午膳時間，每個人的心聲 (っ°_°)っ [終於等到食飯了，其實早上返工都係等食飯，食完飯都係等放工，月頭等月尾，月尾就等出糧，日復日，年復年<loop...>]

跟同事們去到餐廳都會上演<<孤獨的美食家>>Live，(っ°_°)っ [食邊間好呢? 呢間多人，果間個餐單不吸引，那間昨天食過不想返單住。] (っ°_°)っ [是日午餐得5款，看來要多點時間考慮這5款餐了。] (p:>_<:) (選好未呀岐魂，得五款何須想太多?) 其實不止五款的，星期一至六，每日都五款不同，加起來有三十款啊。(っ°_°)っ (咁你叫咩呀?) (p:>_<:) (A囉，你諗唔到就叫返干炒牛河吧!) (っ°_°)っ (....!! 好吧，還是干炒牛河啦!) (っ°_°)っ[為何黃秋生不出來打救我呢? ] 秋生(嚟嚟去去都係果幾味，你想跟飯定意粉呀。)
牛河來了，(っ°_°)っ [很香呀，我要起動了!! ] 不知是否染上了職業病，我食飯好像在品酒一樣慢條思理的，總是被催促 (p:>_<:) (得返15分鐘，快點開Turbo啦!)

食完飯回到事務所自己的工作枱前，總會多了幾份文件狀似堆了好幾小時似的，而且不知是誰放在這裡的。不過無論如何，我在下午的工作效率都是最快的，因為不想加班，但結果做到4時多便提早做完了，(っ°_°)っ [斃! 早了完仕，無法了，輪到我用手機回答顧客查詢了。]  <=這裡不用解釋大家都知我做咩啦(^o^)v

每次月尾大家都有幾日好緊張，不時去會計部凶會計部長，(p:>_<:) (喂，出糧未呀!) 部長就會說 (老闆未簽支票，你去問吓佢囉)，相信部長心裏亦有餘白 (p:>_<:) [我打工喳，凶我都無用。] 因為是日系公司，個個女同事都自稱(p:>_<:) (我係長崎良美呀!) 心裡的餘白在月尾也會作崇 (っ°_°)っ [咁我咪叫長崎見雄!! 妳們糧尾都仲係有錢，我就見哂紅負哂數了。]






我是一個壞榜樣，不要學我有那麼多負面的餘白，而且有膽寫無膽在場講，最後的餘白
(っ°_°)っ [就算做不到好員工，還是要安份守己，腳踏實地，不要做大懶蛇，不要被Old Seafood捉到你的痛腳。]

＜＜孤獨的美食家 - 引人入勝的餘白＞＞

我沒有空閒時間去玩!
遊ぶ暇はないや。
Je n'ai pas de temps pour jouer.


つづく...