光復上水站

上水彩園班巴打齊出嚟爭返口氣了，堵塞上水站C出口阻止水貨客。但有得有失，奶粉 / 益力多 / 藥物有望回覆正價了，不過今次挑中國人機挑得太盡，綠衫帶眼鏡的巴打舉英國時期的香港旗仲要自認日本仔，比人質幾野唔見紅算係咁啦，應該理智及克制對事。班水貨客又係過份，話無佢地上水人要食X，佢地自視過高。

上週梁國雄當選了立會議員，趁佢到來撐場可向他指教示威行動，佢見慣大場面過大家幾招無難度。

水貨客有這幾個點要改善；

- 登車時衝門仲要車行先似撞人多過登車，請有禮相讓。
- 交收對正入閘位阻人阻街，港鐵應再劃分區域以免再生爭議。
- 搶高地區物價，有幾多間阿信屋都圍唔到皮。
- 留下大量紙皮垃圾無手尾，建議你們交比阿婆攞去賣還好。
- 藥房奶粉及百佳益力多常被全清，店舖自身可否留點存貨比返上水人呢。

其實一句說畢，總之水貨客有禮貌互讓，上水班巴打都無話阻大家搵食的，上面的貨品質不好所以你們才要來入貨，明解呀，大家互相包容好嗎?

再說，現在國家在釣魚島問題上被日本政府剃眼眉，應該一致對外，先給予大家冷靜及三思的時間，讓梁國雄議員、港鐵及政府想想法子應對吧。

我人生大部分時間都住上水，上水有幾多人邊個做過水貨客都略懂，在我同樓層就有好幾個鄰居是水貨客，水貨客不少是香港人或上水人，他們都有一家大細要照顧，相信今次得知各位巴打的憤冤，應該會收歛一點。